القائمة الرئيسية

الصفحات

أفضل هواتف فى شهر يناير 2019 -اسعار موبايلات - احدث الموبايلات

أفضل هواتف فى شهر يناير 2019 -اسعار موبايلات - احدث الموبايلات

أعزائي زوار موقع ريلمي اليوم سنقدم لكم افضل هواتف في شهر يناير 2019 في كل الفئات السعرية مع اسعار كل الموبيلات الموجودة بالسوق المصري واحدث الموبايلات منها موبايل هاواوى وسامسونج وشاومى واوبو واونر.
افضل هواتف في شهر يناير 2019

تحت كل موبايل هيبقي مكتوب نقاط تميزه و سعره الحالي.

ترشيحاتنا هتكون كالتالي:
- فئة 1000
- فئة 1500 
- فئة 2000 
- فئة 2500
- فئة 3000
- فئة 3500
- فئة 4000
- فئة 5000
- فئة 6500

افضل هواتف شهر يناير 2019 فئة ال 1000 

هناك عدد 2 موبايل ومتناسب مع سعره يصلح للهدايا والناس الى استخدامها بسيط فى التليفون أو ممكن يكون موبايل ثانوى بيؤدى الأغراض البسيطة الموبايلين لشركة لافا الهندية.
الاول اسمه لافا iris41 وده سعرة 1000جنيه.
الثانى اسمه لافا iris 50 وده سعره 1150 جنيه.

افضل هواتف شهر يناير 2019 فئة ال 1500

هذه الفئة الموبايل الاقتصادي جدا و رام 2 جيجا و ذاكرة 16 جيجا استخدام مكالمات و تصفح فيسبوك و واتساب و يوتيوب مع ألعاب خفيفة بالكتير.
  • شاومي Redmi 6A
شاشة 5.5 بوصة بالأبعاد الجديدة ومعالج جديد بتقنية تصنيع 12 نانو متر رباعي النواه و رام 2 جيجا و ذاكرة 16 جيجا و بطارية 3000 ميلي و مستشعر بوصلة لمعرفة الإتجاهات و قبلة الصلاة و ميزة التعرف علي الوجه
نقاط التميز: افضل معالج في الفئة لإستخدام البرامج و الألعاب – افضل كاميرا في الفئة – مميزات سوفت وير شاومي ميزة عمل نسختين من اي تطبيق علي الموبايل زي الواتساب مثلا و ميزة المساحة التانية انك تعمل 2 مستخدم للموبايل كل مستخدم فيهم ب صور و برامج و ملفات مختلفة تماما لزيادة الخصوصية.
سعر الموبايل حوالي 1700 جنيه.
  • ميزو M5c
بشاشة 5 بوصة بالأبعاد القديمة و لكن تم إضافته للترشيحات بسبب سعره المنافس و دعم للجيل الرابع و ذاكرة 16 مع بطارية 3000 ميلي و مستشعر بوصلة لمعرفة الإتجاهات و قبلة الصلاة، و لكن متستناش منه اداء كاميرا.
نقاط التميز: رام 2 جيجا – سعر رخيص.

  • Meizu C9
شاشة 5.5 بوصة بالأبعاد الجديدة تعتبر بهتانة سنة مقارنة بالريدمي 6A و حجم البطارية 3000 ميلي و لكن متستناش منه اداء كاميرا مع رام 2 و ذاكرة 16 جيجابايت.
نقاط التميز: بطارية قابلة للتغيير و دي ميزة بقي نادر اننا نشوفها في اي موبايل دلوقتي.

افضل هواتف شهر يناير 2019 فئة ال 2000

برضه فئة الموبايل الاقتصادي جدا بمعالج رباعي و رام 2 جيجا و ذاكرة 16 جيجا و مفيش مستشعر بصمة، و لكن ظهر موديل جديد إستثناء مميز جدا في الفئة هناك خيارين في الفئة دي:
  • ريلمي C1 
مع 2 رام و ذاكرة 16 الموبايل الوحيد في الفئة دي بمعالج ثماني النواه كوالكوم 450 ... و الوحيد في الفئة ب بطارية 4230 ميلي امبير جبارة و الوحيد في الفئة برضه ب شاشة 6.2 بوصة ب نوتش مع نسبة استحواذ هايلة للشاشة عشان متحسش ان الموبايل كبير في ايدك مع كاميرات معقولة للفئة.
نقاط التميز: حجم الشاشة - البطارية – معالج ثماني – أداء ألعاب ثقيلة زي PUBG معقول جدا علي low جرافيكس
الموبايل هيبقي متاح ب 2090 جنيه يوم 16 يناير الساعة 12 ظهرا بالدقيقة لازم تكون مستنيه.
  • سامسونج J4
محطوط ك خيار تاني لأنه بمعالج رباعي و هتاخد نفس الرام مع اداء أقل... و لكن هتاخد براند سامسونج و شاشة 5.5 بوصة بالابعاد القديمة سوبر اموليد (أفضل ألوان و سطوع و لكن حجم شاشة أصغر و حواف حواليها كتيرة علي الفاضي) و فيه منه نسخة ب ذاكرة داخلية 32 جيجا و كاميرته الخلفية و السيلفي متساوي مع ريلمي.
سعر الموبايل بيبدأ من 2100 جنيه

افضل هواتف شهر يناير 2019 فئة ال 2500

فئة عملناها مخصوص عشان اللي محتاج موبايل رام 3 جيجا و ذاكرة كبيرة و مستشعر بصمة و ميقدرش يوصل للفئة السعرية الأعلي موبايلين في الفئة دي:
  • اونر 7C
مما لا شك فيه ان موبايل هواوي y7 prime 2018 من اكتر الاجهزة مبيعا في مصر .... و علي الرغم من ده ... شركة هونر التابعة لهواوي و بتستخدم نفس المصانع و الجودة عندها موبايل بنفس السعر بالظبط ... مع مميزات افضل ... يعني المعالج أفضل و اسرع و كمان التصميم معدني مش بلاستيكي برشح الموبايل ده للي ناوي يجيب هواوي في الفئة دي و مش هيندم من التغيير من هواوي لهونر لأنهم في الاخر شركة واحدة و العلبة عليها ختم هواوي كمان معالج ثماني كوالكوم و رام 3 و ذاكرة 32 و بطارية 3000 ميلي امبير.
سعر الموبايل بيبدأ من 2600 جنيه
  • شاومي ريدمي 6
يعيبه ان شاشته تعتبر صغيرة علي الفلوس اللي بتدفعها 5.5 بوصة بالأبعاد الجديدة و لكن يميزه 3 رام و كاميرتين خلفيتين و آداء أفضل شوية .. و متاح ب ذاكرة 32 او 64 جيجا حسب تفيضلك.
سعره 2555 جنيه لنسخة 64 جيجا.

افضل هواتف شهر يناير 2019 فئة ال 3000

هنا نبدأ نقول انك بتاخد موبايل متوسط مش اقتصادي، ابعاد الشاشة الجديدة و المعالج ثماني شيء عادي هنا و 3 جيجا رام و 32 جيجا ذاكرة داخلية و البصمة و التعرف علي الوجه اساسيين من اول هنا، اداء ألعاب تقيلة فوق المعقول تشغل PUBG علي low و medium
  • ريدمي اس 2
المعالج سناب دراجون 625 و بالأبعاد الجديدة للشاشة و لكن تصميمه بلاستيكي و بطاريته 3000 ميلي امبير و كاميرا السيلفي 16 ميجا الافضل في الفئة - ب كاميرا خلفية مزدوجة – اضافات شاومي – ريموت انفراريد للتليفزيون
متوفر  بسعر 2835 جنيه.
  • شاومي Mi A2 Lite
ده موبايل مناسب جدا للي عايز شاشة صغيرة ملمومة في الأيد لأن الشاشة 5.8 بوصة بالأبعاد الجديدة و فيها نوتش و بطارية 4000 ميلي امبير الأكبر في الفئة السعرية و خامات معدن مميزة يعيبه ان السيلفي 5 ميجا بيكسل ادائها متواضع و السوفت وير اندرويد خام بدون اي اضافات بعض الناس بتشوفه ممل و بعض الناس بيشوفوه ادائه سلس و مش بيهنج و بيوصله تحديثات النظام بشكل أسرع، الموبايل فيه انفراريد ريموت للأجهزة المنزلية.
الموبايل تقدر تشتريه ب 2788 جنيه
  • سامسونج J6 بلس
الموبايل ده ارخص موبايل محترم من سامسونج بالأبعاد الجديدة و شاشة IPS ...6 بوصة و فيه بصمة في الجنب و معالج رباعي "إستثناء في الفئة" و كاميرات خلفية مزدوجة كويسة، ادائه مش الأفضل في الفئة و لكن مقبول للي بيفضل براند سامسونج.
سعر الموبايل بيبدأ من 2800 جنيه.

افضل هواتف شهر يناير 2019 فئة ال 3500

  • شاومي ريدمي نوت 6 برو
نسخة 3 جيجا رام و 32 جيجا ذاكرة، ويميزه عن الفئة اللي قبله المعالج الكوالكوم 636 اللي بيقدم اداء افضل في الألعاب و البرامج و يميزه كاميرا خلفية و امامية ممتازة.
هتروح له لو انت عايز كاميرات و عزل أفضل و تتنازل شوية في الرام 3 جيجا و ذاكرة 32 بس هتاخد بطارية كبيرة مع دفع 500 جنيه زيادة.
كاميرا خلفية مزدوجة و كاميرا امامية مزدوجة يعني الموبايل فيه 4 كاميرات لدرجة ان كاميراته افضل من موبايلات الفئة الأغلي منه افضل عزل كاميرا ممكن تشوفه في الترشيحات دي كلها معالج افضل شوية سناب دراجون 636 و شاشة فيها "نوتش" عشان يقلل الحواف ب درجة اكبر بطارية 4000 ميلي امبير و ممكن تتشحن شحن سريع بس هتحتاج تشتري الشاحن السريع بشكل منفصل النسخة دي من الموبايل بتكون 3 رام و ذاكرة 32 و فيه نسخة اغلي 500 جنيه ب رام و ذاكرة اعلي.
سعر الموبايل 3500 جنيه.

  • Mi A2 Lite 64GB
هو نفس الموبايل Mi A2 Lite اللي في الفئة السابقة ال 3000 جنيه ... مع فرق ان الرام هنا 4 جيجا و الذاكرة الداخلية 64 جيجا
يتميز علي ريدمي نوت 6 :
- رام و ذاكرة داخلية اعلي
يخسر قدام ريدمي نوت 6 في:
المعالج
الكاميرات الامامية و الخلفية بفرق واضح
الموبايل تقدر تشتريه ب 3233 جنيه

افضل هواتف شهر يناير 2019 فئة ال 4000

هنا بتاخد مستوي معالجات افضل بفرق واضح في الألعاب يعني تقدر تلعب لعبة PUBG علي درجة High جرافيكس ...و كل الموديلات هنا بتبقي 4 جيجا رام و 64 جيجا ذاكرة الفئة دي عندنا فيها 5 موديلات. 
  • ريلمي 2 برو
زي ما قولنا في بداية الترشيحات براند ريلمي تابع ل شركة اوبو الموبايل ده شكلا نسخة طبق الأصل من اوبو اف 9 و هو أرخص موبايل في مصر ب معالج كوالكوم سناب دراجون 660 اللي بيضمنلك اداء يومي مفهوش تهنيج و أداء ألعاب مفهوش شكاوي للفئة السعرية دي و كاميرا خلفية بفتحة عدسة 1.7 بطاريته 3500 ميلي امبير و غير داعم للشحن السريع السيلفي 16 ميجا بيكسل ليس الأفضل في الفئة السعرية.
الموبايل هيبقي متاح ب 3790 جنيه.

  • شاومي مي 8 لايت
بنفس المعالج كوالكوم سناب دراجون 660 و الموبايل الوحيد في خيارات الفئة اللي بيجي ب تصميم زجاج فخم و خامات خارجية مصروف عليها أفضل سيلفي 24 ميجا بيكسل  داعم للشحن السريع  كاميرا خلفية جيدة عيب الموبايل ده الأساسي غياب مدخل السماعة السلك ال3.5 ميلي و ان بطاريته صغيرة نسبيا 3350 ميلي امبير.
سعر الموبايل 4500جنيه.
  • هواوي واي 9 2019
من براند هواوي المرموق ب 4 كاميرات .. اتنين امامية و اتنين خلفية
نفس معالج النوفا 3i الاغلي منه ب حوالي 800 جنيه ىكاميرا الخلفية احسن من النوفا لأن الكاميرا 13 ميجا بيكسل بفتحة عدسة 1.8 و البطارية اكبر 4000 ميلي امبير معالج الجهاز كيرين 710 مع خاصية GPU Turbo بيقدم ألعاب أفضل من السناب دراجون 636 الفرق ان الذاكرة الداخلية 64 جيجا و السيلفي اقل شوية من النوفا و الموبايل خامته بلاستيك بس شكله حلو موبايل يستحمل التعامل العنيف و الوقعات لو هنتكلم علي المبيعات في الشارع الهواوي واي 9 اكتر جهاز بيحقق مبيعات في الفئة دي عشان ثقة علامة هواوي القوية وسط المستهلكين.
الموبايل سعره 4200 جنيه.
  • ريدمي نوت 6 برو نسخة ال 64 جيجا
يظل الريدمي نوت 6 برو (و معاه اوبو اف 9 و مي 8 لايت) عندهم نسبة تفوق في الكاميرا خلفية و تفوق واضح في الكاميرا الامامية و الريدمي نوت 6 برو عشان فيه كاميرتين اماميتين الأفضل في العزل في الناحيتين، و لكن معالج الريدمي نوت 6 برو اقل من خيارات الفئة دي و ده بيبان في الألعاب يميزه بطارية 4000 و شأنه شأن Mi 8 Lite داعم للشحن السريع.
سعر الموبايل 3900 جنيه.
  • سامسونج A6 Plus
الموبايل لهواة سامسونج ب تصميم ضعر معدن بالكامل و شاشة 6 بوصة سامسونج السوبر أموليد المميزة بالأبعاد الجديدة يعيبه ان المعالج بتاعه سناب دراجون 450 الثماني و ده معالج إقتصادي و هو نفس المعالج اللي موجود في جهاز Realme C1 اللي في ترشيحاتنا في فئة ال 2000 جنيه و مع ذلك موبايل سامسونج A6 Plus اداؤه معقول جدا و مش هيكون سيء لمستخدم سامسونج العادي في الاستخدامات اليومية بتاعة الإنترنت و برامج السوشيال ميديا و لكن هيكون أضعف موبايلات الفئة لو انت مهتم بالألعاب.
الموبايل عليه عرض حاليا ب 4550 جنيه.

افضل هواتف شهر يناير 2019 فئة ال 5000  

هنا تبدأ تاخد ذاكرة داخلية 128 جيجا و اداء ألعاب يقرب من الممتاز 
  • ريلمي 2 برو 
ده الألفا بتاع الترشيحات دي أرخص موبايل 8 جيجا رام في مصر مع ذاكرة 128 اداء راقي مع تنقل بين البرامج ممتاز اثناء الإستخدام بدون تهنيج او تأخير.
الموبايل هيبقي متاح ب 4990 جنيه
  • اوبو اف 9
الموبايل ده حاليا هو تاني اكتر موبايل مبيعا في مصر بيبيع مبيعات خرافية موبايل جاي ورا موبايل ناجح جدا هو اوبو اف 7 تقريبا نفس الموبايل بس نوتش اصغر و ضافوا ميزة الشحن السريع اللي بتخليك تشحن البطارية بالكامل في ساعة و ربع و الشاحن السريع جوة العلبة و ضافوا كاميرا اضافية للعزل، افضل سيلفي ممكن تاخده من حيث التفاصيل بيجي بنسخة 4 جيجا رام او 6 جيجا رام أغلي 500 جنيه
الموبايل سعره حاليا بين ال 5100 و 5750
  • شاومي مي 8 لايت
بنفس معالج ريلمي 2 برو كوالكوم سناب دراجون 660 و لكن ب رام 6 (اقل 2 جيجا من ريلمي و ازيد 2 جيجا من اوبو اف 9) نفس مستوي سيلفي اف 9 داعم للشحن السريع كاميرا خلفية مميزة عيب الموبايل ده الأساسي غياب مدخل السماعة السلك ال3.5 ميلي و ان بطاريته صغيرة نسبيا 3350 ميلي امبير.
سعر الموبايل 4500جنيه
  • اونر بلاي
بيجي بمعالج كيرين 970 الرائد نفس الموجود بالظبط في هواوي بي 20 برو اللي سعره 15 الف جنيه كون انك تشتري موبايل ب نفس المعالج ب تلت السعر تقريبا ده ابداع، الموبايل ب شاشة 6.3 بوصة ب نوتش حجمه مناسب متقلقش منه مع 4 جيجا رام و ذاكرة 64 جيجا مع كاميرات خلفية و امامية متوسطة و شاحن سريع مرفق جوة العلبة.
إختصارا لو انت بتثق في هواوي اكتر و عايز جهاز معدن هات اونر بلاي، لو عايز المعالج الاقوي و كاميرات افضل نسبيا و رام اعلي هات بوكوفون.
الموبايل بأرخص سعر 5250 جنيه.
  • سامسونج A7 2018
لمحبي سامسونج في الفئة دي شاشة 6 بوصة سوبر اموليد بالأبعاد الجديدة سيلفي 24 ميجا بيكسل 3 كاميرات خلفية (واحدة اساسية 24 ميجا بيكسل و واحدة ب زاوية عدسة واسعة و واحدة لصور العزل و معرفة المسافات) مع معالج متوسط اضعف شوية من المعالجات التانية اللي في نفس الفئة مع 4 رام و ذاكرة 128 جيجا و بطارية 3300 ميلي امبير.
الموبايل ب 5440 جنيه.

افضل هواتف شهر يناير 2019 فئة ال 6500

هنا بتاخد موبايل رائد بسعر رخيص مع بعض التنازل في التصميم فقط.
  • شاومي بوكو اف 1
في الفئة دي شاومي جايبة من الأخر و حاطة في الموبايل اعلي معالج في العالم حاليا نفس المعالج بالظبط اللي ممكن تشوفه في موبايل 20 الف جنيه بطل الفئة دي هو شاومي بوكو اف 1 ب معالج كوالكوم سناب دراجون 845 اللي بيحقق اداء زي اللي بتشوفه بالظبط في سامسونج نوت 9 و الاجهزة الخرافية دي ب سعر 6444 جنيه بس لنسخة 64 جيجا ذاكرة و 6 جيجا رام  و كاميرات الأفضل في فئتها و بطارية 4000 ميلي و كمان دعم للتبريد المائي للمعالج اللي احنا شارحينه بالتفصيل في الفيديو المرفق و شاحن سريع مرفق جوة العلبة شاشة الموبايل 6.2 بوصة ب نوتش كبيرة شوية و لكن الموبايل فيه مستشعر انفراريد للتعرف علي الوجه بدقة حتي لو انت في ضلمة تامة يعيب الموبايل انه جاي ب تصميم بلاستيكي غير متوافق مع الفئة دي.
الموبايل سعره 6444 جنيه.


إلي هنا قد وصلنا لنهاية المقال الموضح فيه جميع اسعار الموبيلات واحدثها أكتب لنا في التعليقات عن أفضل هواتف شهر يناير 2019 من وجهة نظرك وإذا كنت تريد التعرف علي احدث الموبيلات في 2019 شهر ابريل فعليك بقراءة الموضوع الآتي:  

لا يفوتك أيضًا

قائمة أسعار أفضل موبايلات شهر مايو 2019

أفضل موبايل بسعر 3000 جنيه لعام 2019 

أفضل موبايل في حدود 2500 جنيه عام 2019
هل اعجبك الموضوع :

تعليقات